"Xarı Bülbüllər" Qızlar Klubunun üzvləri şəhid qızı Xalidə Əsgərovanın ailəsini ziyarət etmişlər
Bakı Dövlət Universiteti Biologiya fakültəsi "Xarı Bülbüllər" Qızlar Klubunun rəhbəri Fərayət Əhmədovanın təşkilatçılığı ilə bir qrup klub üzvləri Biologiya fakültəsində təhsil alan I kurs tələbəsi, şəhid qızı Xalidə Əsgərovanın ailəsini ziyarət etmişlər. Xalidə Əsgərovanın atası şəhid Əliyev Ramin Muxtar oğlu 44 günlük müharibədə qəhrəmancasına döyüşərək şəhidlik zirvəsinə ucalmışdır. Şəhidin ailə üzvləri qonaqlarla Ramin Əliyevin keçdiyi şanlı döyüş yolu barədə söhbət etmiş, onun torpaqlarımızın azadlığı uğrunda göstərdiyi şücaətdən bəhs etmişlər.
Ötən 3 il ərzində güclü ordumuzun mənfur düşmənlər üzərində qələbə çalmasında danılmaz rolu olan şəhidlərimizə Tanrıdan rəhmət və qazilərimizə isə möhkəm can sağlığı diləyirik. Bizlərin üzərinə düşən vəzifə isə şəhidlərimizi unutmamaq, onların ailələrinə bacardığımız qədər sevinc bəxş etməkdir.
