Bakı Dövlət Universiteti Biologiya fakültəsi

Bakı Dövlət Universitetinin Biologiya fakültəsinin nəzdində yeni fəaliyyətə başlamış "Xarı Bülbüllər" Qızlar Klubunun təşkilatçılığı ilə 8 iyun 2023-cü ildə onlayn seminar keçirilmişdir. Seminarda Nərimanov Tibb Mərkəzinin Endokrinologiya şöbəsinin müdiri, t.ü.f.d., endokrinoloq Abbasova Leyla Qasım qızı "Qadın sağlamlığına mənfi təsir edən amillər" mövzusunda çıxış etmişdir. Təcrübəli həkim Leyla Abbasova görüşdə bir çox hormonal səbəblər, insan orqanizmində, xüsusilə qadınlarda meydana çıxan xoşagəlməz xəstəliklər barədə tələbə və müəllim heyətinə məlumat vermiş, bu xəstəliklərin profilaktik tədbirlər vasitəsilə aradan qaldırılma üsullarını izah etmişdir.

Sonda mövzuyla bağlı tələbələrin çoxsaylı sualları peşəkar həkim tərəfindən cavablandırılmışdır.