Vilayət Abdiyevin 70 yaşı tamam oldu
Botanika və Bitki fiziologiya kafedrasının professoru Vilayət Abdiyevin 70 yaşı tamam oldu.
Vilayət Bəşir oğlu Abdıyev 1974-cü ildə Azərbaycan Dövlət Universitetinin Biologiya fakültəsini bitirmiş və gənc mütəxəsislərin bölgüsü zamanı təyinatla Biologiya fakültəsində iş fəaliyyətinə başlamışdır. 1975-ci ildən başlayaraq hal-hazıradək Bakı Dövlət Universitetinin Biologiya fakültəsində fəaliyyət göstərir. 1987-ci ildə Litva Respublikasının Botanika İnstitutunda elmlər namizədi adını almaq üçün Dissertasiya işini müdafiə etmişdir. 1992-ci ildən dosent vəzifəsində çalışır. 1998-ci ildən 2020-ci ilədək Biologiya fakültəsinin elmi işlər üzrə dekan müavini vəzifəsində işləmişdir. 2017-2019-cu illərdə Bitki fiziologiyası kafedrasında müdir vəzifəsində işləmişdir. 2017-ci il tarixdə AMEA-nın Botanika İnstitutunda elmlər doktorluq dissertasiyasını müdafiə etmiş, hal-hazırda Botanika və bitki fiziologiyası kafedrasında professorudur.
Abdıyev bir dərs vəsaitinin, 110-dan artıq elmi məqalənin müəllifi, onlarla proqramın tərtibçisi olmaqla yanaşı 20-dən çox Beynəlxalq və Respublika elmi praktik konfranslarda məruzələrlə çıxış etmişdir. Elmi əsərləri Rusiya, Türkiyə, Polşa, Ukrayna, Özbəkistan, Hindistan, Kanada, İtaliya və s. ölkələrdə nəşr olunub.
Abdıyevin rəhbərliyi ilə bir doktorant fəlsəfə doktoru adına layiq görülmüş və bir doktorant elmi tədqiqat işlərini müvəffəqiyyətlə davam etdirir. Hal-hazırda Biologiya fakültəsində bakalavr pilləsində “Bitki fiziologiyası”, “Biostatistika”, magistratura pilləsində “Bitkilərdə mineral qidalanma və su mübadiləsi” fənləri üzrə mühazirə və məşğələ dərsləri aparır.
Vilayət Abdiyevi yubileyi münasibəti ilə təbrik edir, ona can sağlığı və elmi-pedaqoji fəaliyyətində uğurlar arzulayırıq.
