Bakı Dövlət Universiteti Biologiya fakültəsi

Biologiya fakültəsi Tələbə Həmkarlar İttifaqı Komitəsinin təşkilatçılığı ilə fakültənin xanım tələbələrinin bir qrupu dosent Sevda Tahirlinin rəhbərliyi ilə Leyla Khazari Art Gallery-də “Yaşıl Dünya Naminə həmrəylik ili” çərçivəsində təşkil olunmuş “Mənim yolum yaşıl yoldur” adlı rəsm sərgisində iştirak etmişlər. Sərgidə nümayiş etdirilmiş 50-dən artıq rəsm əsərində Azərbaycanın unikal təbiətinin təkrarolunmaz gözəlliyi əks olunmuşdur. Qalereyanın rəhbəri Leyla Xəzəri çıxışında bildirmişdir ki, belə sərgilərin təşkil edilməsində məqsəd Azərbaycanın zəngin və əsrarəngiz təbiətinə diqqətin cəlb olunması, insanları yaşıl dünyamızı qorumağa, ətraf mühitin mühafizəsi yolunda həmrəy olmağa yönəlmiş çağırışlar olmuşdur. Sərgidə nümayiş edilən rəsm əsərləri tələbələrdə maraq hissi oyatmışdır.