Bakı Dövlət Universiteti Biologiya fakültəsi

Bakı Dövlət Universitetinin Biologiya fakültəsinin bakalavriat səviyyəsi üzrə müvafiq ixtisaslarının buraxılış kurs tələbələri tədris planına uyğun olaraq 19.05 və 26.05.2023-cü il tarixlərində Şamaxı, Quba  və  Lənkəran rayonlarına çöl-tədris təcrübəsinə gediblər.

Tələbələr Lənkəran rayonunda Hirkan Milli Parkında və Qızılağac Dövlət Təbiət Qoruğunda tədris təcrübəsi keçmiş, Şamaxı rayonunda N.Tusi adına Şamaxı Astrofizika Rəsədxanasında olmuşlar. Quba rayonunda isə tələbələr BDU-nun Tədris-təcrübə bazasında olmuş, ərazinin fiziki-coğrafi şəraiti, flora və fauna biomüxtəlifliyi ilə tanış olmuş, bəzi nümunələr toplamışlar.