Bakı Dövlət Universiteti Biologiya fakültəsi

2024-cü ilin aprel ayı çərçivəsində fəal üzvlərimizdən ibarət bir qrupun Siyəzən rayonuna ekspedisiyası baş tutmuşdur. Ekspedisiya zamanı 37-ə yaxın müxtəlif növə mənsub araxnoloji nümunələr toplanmışdır. Onlardan bəzilərini şəkillərdə görə bilərsiniz.

Şəkillərdə 5 ayrı növ əks olunmuşdur, uyğun olaraq:

Qafqaz və İrana məxsus Thomisidae fəsiləsindən Xysticus kulczynskii;

Thomisidae fəsiləsinin Azərbaycanda mövcud olan yeganə Palpimanidae cinsinin növü;

Mimetidae fəsiləsinin Azərbaycanda yayılmış iki növündən biri olan Ero Aphana hörümçəklərlə qidalanmağa ixtisaslaşıb. Belə ki, o, ovlayacağı hörümçəyin toruna toxunaraq şikarına özünü “ov” kimi təqdim edir. Ancaq əslində şikar olan aldanmış hörümçək toxunulan hissəyə yaxınlaşarkən Ero a. onu sancıb ovlayır. Bəzən onlar tərk edilmiş torları sahiblənirlər. Elə buna görə də bu fəsiləyə ingiliscə “pirat” hörümçəklər deyilir;

Azərbaycan Respublikasında endemizmi yüksək olan Dysderidae fəsiləsinin Dysdera cinsinin növü. Əsasən izopodlarla qidalanırlar. Buna görə də bərk eksoskeleti dəlmək üçün güclü xeliserlərə sahibdirlər;

Oecobius cinsindən erkək-dişi cütlük.

Bəzi hörümçəklərin dəqiq növü daha müasir təchizat tələb etdiyindən üzvlərimiz tərəfindən təyin edilə bilməmişdir.

Məlumatlar və şəkillər qabaqcıl üzvlərimiz olan II kurs tələbəsi Amin Nurəliyev və III kurs tələbəsi Hüseyn Qədirova məxsusdur.