Respublika elmi konfransı başa çatdı

25 May 2023 10:10

25 may 2023-cü il tarixində Biologiya fakültəsində Azərbaycan xalqının Ümummilli Lideri Heydər Əliyevin 100 illik yubileyinə həsr olunmuş “Biologiyanın aktual problemləri davamlı inkişaf kontekstində” Respublika elmi konfransının bağlanış mərasimi keçirildi. Fakültə dekanı Afət Məmmədova iki gün davam edən konfransın nəticəsini konfrans iştirakşıların nəzərinə çatdırdı. 5 bölmə üzrə həmsədrlər konfransın hesabat verərək, aktual mövzu və ən yaxşı çıxışçıların adlarını təqdim etdilər. Baglanışda Rektorun elm və təhsil üzrə müşaviri prof.Aydın Kazımzadə, Beynəlxalq ələqələr üzrə prorektor dos. Şahin Pənahov və Elm və İnnovasiyalar üzrə Mərkəzin direktoru prof.Mais Süleymanov iştirak edərək, konfransın işini qənaətbəxş qiymətləndirdilər. İştirakçılara sertifikatlar təqdim etdilər.