Bakı Dövlət Universiteti Biologiya fakültəsi

Ramazan bayramında uşaq sığınacağı ziyarət olunub

2 may 2022-ci il tarixində Biologiya fakültəsinin təşkilatçılığı ilə bir qrup tələbə Ramazan Bayramı münasibətilə “Uşaq Birliyi - Uşaq Sığınacağı Rinterqrasiya Mərkəzi”nə baş çəkiblər.  Ziyarətin əsas məqsədi Ramazan bayramında valideyn himayəsindən mərhum olmuş və zorakılığa məruz qalmış uşaqları sevindirmək, onlara dəstək olmaq və bayramlarını daha yadda qalan etmək idi. Bakı Dövlət Universitetinin tələbələri uşaqları sevindirmək üçün onlara müxtəlif hədiyyələr, şirniyyat və digər ehtiyac duyduqları məhsulları alaraq onlara az da olsa köməklik etdilər. Uşaqlarla birlikdə maraqlı oyunlar oynamaq, onlarla gülmək və əylənməklə yanaşı qayğıya ehtiyacı olan uşaqlar üçün gözəl bayram abu-havası yaradan tələbələr  bu bayramın yaşadıqları ən gözəl bayramlardan biri olduğunu qeyd etdilər. Həm tələbələrin, həm uşaq sığınacağında məskunlaşan körpələrin təəssüratları çox gözəl oldu. Ümid edək ki, dünyadakı bütün uşaqlar həmişə sülh və əmin-amanlıq içində yaşayacaq və daim üzləri güləcəkdir. Azərbaycan xalqı və dünya müsəlmanlarının müqəddəs Ramazan bayramı günlərində edilən bütün duaların, diləklərin və saf niyyətlərin qəbul olunduğu bu ayda xeyriyyə tədbirlərinin keçirilməsi xüsusilə təqdirəlayiqdir.