Professor Rauf Quliyev dünyasını deyişib
Bakı Dövlət Universitetinin Biologiya fakültəsinin Genetika kafedrasının professoru Rauf Quliyev vəfat edib.
Rauf Ələkbər oğlu Quliyev 05 yanvar 1938-ci ildə Gəncə şəhərində anadan olmuşdur. 1962-ci ildə Azərbaycan Kənd Təsərrüfatı Akademiyasını fərqlənmə diplomu ilə ”Ali aqronom" ixtisası üzrə bitirmişdir. 1962-ci ildə AMEA-nın Genetika və Seleksiya Elmi Tədqiqat İnstitutuna kiçik elmi işçi vəzifəsinə təyin olunmuşdur. 1963-cü ildə aspiranturaya daxil olmuş, 1967-ci ildə namizədlik dissertasiyası, 1988-ci ildə isə doktorluq dissertasiyasını müdafiə etmişdir.
1967-ci ildə BDU-nun Genetika kafedrasında assistent vəzifəsinə seçilmiş, daha sonra baş müəllim, dosent, professor, kafedra müdiri vəzifələrinə qədər yüksəlmişdir. 2019-cu ildən Genetika kafedrasında professor-məsləhətçi vəzifəsində çalışmışdır. 125-dən artıq elmi məqalələrin, dərslik və dərs vəsaitlərinin müəllifi olmuşdur.
Allah rəhmət eləsin!