Professor Canbaxış Nəcəfovun 75 yaşı tamam olur
Biologiya elmləri doktoru, professor Canbaxış Əli oğlu Nəcəfov 75 illik yubileyini qeyd edir. 01 aprel 1949-cu ildə Qubadlı rayonu Əyin kəndində anadan olub. 1966-cı ildə Q.İlyasov adına Qubadlı qəsəbə orta məktəbini bitirib. O, 1968-1973-cü illərdə Azərbaycan (indiki Bakı) Dövlət Universitetinin Biologiya fakültəsində ali təhsil almış, elm və təhsilin inkiafına ömrünü həsr etmişdir.
Peşəkar fəaliyyətinə Qubadlı rayonunda biologiya müəllimi kimi başlayan professor Nəcəfov 1973-1992-ci illərdə Azərbaycan Milli Elmlər Akademiyasının Zoologiya İnstitutunda, 1992-2007-ci illərdə isə Azərbaycan Müəllimlər İnstitutunda fəaliyyət göstərmişdir. 2007-2018-ci illərdə Azərbaycan Tibb Universitetinin "Tibbi biologiya və genetika" kafedrasının, 2018-2020-ci illərdə isə Bakı Dövlət Universitetinin "Zoologiya" kafedrasının müdiri olmudşur. 2020-ci ildən Biologiya fakültəsinin Zoologiya və fiziologiya kafedrasında professor kimi çalışır.
1980-ci ildə biologiya elmləri namizədi, 1996-cı ildə biologiya elmləri doktoru elmi dərəcəsini almış, 2000-ci ildə professor elmi adına layiq görülmüşdür.
Professor Canbaxış Nəcəfovun 250-dən çox elmi əsəri yerli və beynəlxalq jurnallarda dərc olunmuş, 50-dən artıq monoqrafiya, dərslik və dərs vəsaiti təhsil ictimaiyyətinə təqdim edilmişdir. Onun təəlüfi Zoologiyanın tədrisi metodikası, tibbi biologiya və genetika, orta məktəblərdə fən tədrisi kimi sahələri özəndən keçirir.
Elmi rəhbərliyində 8 fəlsəfə doktoru, 1 biologiya elmləri doktoru yetişmiş, hal-hazırda 4 fəlsəfə doktoru və 3 elmlər doktoru üzərində elmi məsləhətçi kimi çalışır.
Biologiya sahəsindəki böyük xidmətləri və elmi-pedaqoji nailiyyətləri nəticəsində professor Canbaxış Nəcəfov elm dünayasında öz mühüm izini qoymuş, təhsil ictimaiyyəti arasında hörmət qazanmdır.
Onu 75 illik yubileyi münasibətilə təbrik edir, elm və təhsil sahəsində yeni nailiyyətlər arzulayırıq!