Növbəti nüfuzli elmi jurnalda nəşr
Biofizika və biokimya kafedrasının müdiri, professor Rövşən Xəlilovun “Deciphering the effect of Potentilla fulgens root extract against healthy HUVEC cell line and cancer cell lines (A549 and SKOV-3) (Potentilla fulgens kök ekstraktının sağlam HUVEC hüceyrə xəttinə və xərçəng hüceyrə xətlərinə (A549 və SKOV-3) qarşı təsirinin müəyyən edilməsi)” adlı məqaləsi Web Of Science elmmetrik bazasına daxil olan Journal of King Saud University - Science (İF-3.7) jurnalında nəşr olunub.
https://doi.org/10.1016/j.jksus.2024.103410
Elmi işin əsas məqsədi P. fulgens bitkisinin kök ekstraktının xərçəngin müalicəsində kimyaterapevtik dərmanlara təbii alternativ olaraq istifadəsini araşdırmaqdır. Qeyd etmək vacibdir ki, Potentilla fulgens Himalay bölgəsinin yüksək dağlıq ərazilərində yetişdirilir və xərçəngəleyhinə, hipoqlikemik, antibakterial, iltihabəleyhinə xüsusiyyətlərə malik olduğu üçün ənənəvi tibdə müalicə vasitəsi kimi geniş istifadə edilir.