Bakı Dövlət Universiteti Biologiya fakültəsi

Bakı Dövlət Universitetinin (BDU) Biologiya fakültəsində Tələbə Elmi Cəmiyyətinin (TEC) təşkilatçılığı ilə Nəzrin Məmmədzadənin “Nimann-Pik xəstəliyində demensiyanın təzahürləri və xəstəliyin tipləri” mövzusunda elmi seminarı keçirilib.

Seminar çərçivəsində NeyroJurnalın 3-cü buraxılışında dərc olunmuş məqalənin təqdimatı həyata keçirilib. Tədbir zamanı Nimann-Pik xəstəliyinin yaranma tarixi, patologiyası, genetik səbəbləri, demensiyanın inkişafı, xəstəliyin müxtəlif tipləri və diaqnostikası haqqında ətraflı məlumat verilib.

Məruzəçi bu mövzunun Azərbaycan üçün yeni tədqiqat sahəsi olduğunu vurğulayaraq, qohum evliliklərinin genetik mutasiyalara səbəb olması və onların yaratdığı fəsadlar barədə vacib məqamlara toxunub.