Bakı Dövlət Universiteti Biologiya fakültəsi

Bakı Dövlət Universitetinin Biologiya fakültəsində Tələbə Gənclər Təşkilatının təşkilatçılığı ilə “Narkomaniyaya yox deyək!” adlı tədbir keçirilmişdir.

Tədbiri giriş sözü ilə açan fakültənin sosial məsələlər və tələbələrlə iş üzrə dekan müavini Yusif Abiyev bəşəriyyətin ən böyük bəlalarından olan narkomaniya, psixotrop maddələrin və digər zərərli vərdişlərin fəsadlarından, gənc nəslin sağlamlığı üçün yaratdığı təhlükədən, genofondumuza vura biləcəyi zərərdən və onunla mübarizə yolundan bəhs etdi.

Sonra fakültənin 1-ci kurs tələbələri Natəvan Əkbərova və İsmayıl Mütəllimli təqdimatla çıxış edərək narkotik tərkibli bitkilər haqqında tələbələrə məlumat verdi. Tədbirin sonunda maarifləndirici videoçarx nümayiş edilmişdir.