Bakı Dövlət Universiteti Biologiya fakültəsi

05.10.2023-cü il tarixində Bakı Dövlət Universiteti Biologiya fakültəsində Tələbə Gənclər Təşkilatı (BDU TGT) və Tələbə Həmkarlar İttifaqı Komitəsinin (BDU THİK) təşkilatçılığı ilə "5 oktyabr - Beynəlxalq Müəllimlər Günü"  münasibəti ilə "Müəllim Ömrü" adlı tədbir keçirilmişdir. Tədbirdə Biologiya fakültəsinin dekanı, fakültənin professor-müəllim heyəti, tələbə və magistrantlar iştirak ediblər. Giriş sözündən sonra  tələbələrin və fakültə rəhbərliyinin bayram təbrikləri əsasında hazırlanmış videoçarx nümayiş etdirilmişdir. Təbriklərə fakültənin qocaman professoru Ralfrid Həsənov qoşularaq bütün müəllimləri təbrik etmiş, tələbələrə təşəkkürünü bildirmişdir. Tədbirin bədii hissəsində tələbələr Mədinə Rzayeva, Kəmaləddin Hüseynov, Ayxan Altay, Əşrəf Oqtayın ifaları və  şeirləri səslənmişdir.