Bakı Dövlət Universiteti Biologiya fakültəsi

Bakı Dövlət Universiteti Biologiya fakültəsi Tələbə Gənclər Təşkilatının təşkilatçılığı ilə "Milli İrsimiz" adlı tələbələr arası müsabiqə keçirilmişdir.

Fakültənin sosial məsələlər və tələbələrlə iş üzrə dekan müavini Yusif Abiyevin açılış nitqi ilə başlamışdır. O, milli irsimizin qorunmasının və gənc nəslin bu irsə bağlılığının vacibliyindən bəhs etmiş, belə tədbirlərin tələbələr arasında mədəniyyətə marağın artırılmasına töhfə verdiyini vurğulamışdır.

Daha sonra yarış iştirakçıları qruplara bölünərək Azərbaycan musiqi və kinolarını tanımağa çalışmışlar. Müsabiqə zamanı tələbələrin asudə vaxtları əyləncəli keçmiş, tələbələr milli irsin incilərini daha yaxından tanımaq imkanı əldə etmişlər.