Bakı Dövlət Universiteti Biologiya fakültəsi

Biologiya fakültəsinin magistrantlarına magistrlik dissertasiya işinin hazırlanması, tədqiqatlar  üzrə problem qoyuluşu,  onun həlli yollarını müəyyənləşdirmək, elmi ədəbiyyatlarla işləmək və elmi  məqalələrin yazılması kimi məsələlərin həlli istiqamətində təlim keçirildi. Təlimdə  Biologiya fakültəsinin dosenti Sevinc Hümbətova “Magistr dissertasiya işinin  tərtibi və akademik yazı ”adlı  təqdimatla çıxış etdi.  Tələbələr  dissertasiya işinin yazılma mərhələləri və ardıcıllığına, ixtisasın spesifikliyini əks etdirən material və metodikanın tətbiqinə,  işin texniki tərtibat qaydalarına dair titul səhifəsindən ədəbiyyat siyahısınadək hər  fəsildə  nələrə diqqət yetirilməsi haqda slaydlarla tanış edildilər. Konkret misallar üzərində ayrı- ayrı sualların izahı magistrlərin nəzərinə çatdırıldı. Bununla yanaşı 2 illik təhsil dövründə magistrlərin hazırlayacaqları hesabatlar, onların təqdimatına dair qaydalar, təhvil veriləcək referat və işin aprobasiyasını əks etdirəcək elmi publikasiya öhdəliyi də müzakirə edildi. Plagiarizm, mənbələrə doğru istinad və internet resuarslarından istifadədə nələrə diqqət yetirilməsi də müzakirə edildi.  Təlimdə fəkültə dekanı və elmi işlər üzrə dekan müavini iştirak edərək magistrantlara dissertasiya işinin hazırlanmasında  və elmi tədqiqat işlərinin aparılmasında  öhdəliklərini izah edib   tövsiyələr verdilər. Təlimdə  məlumatlandırıcı yol xəritəsi magistrantların nəzərinə çatdırıldı. Sonda  magistrantların sualları cavablandırıldı.