Bakı Dövlət Universiteti Biologiya fakültəsi

Çexiyanın Karlova Universitetinin Zoologiya Departamentinin professorları Miroslav Svatora, Daniel Frinta, Vera Opatova Erasmus layihəsi çərçivəsində Biologiya fakültəsində olublar. Onlar Biologiya fakültəsinin dekanı Afət Məmmədova, Zoologiya və fiziologiya kafedrasının müdiri Əbülfəz Tağıyev, fakültənin bir qrup professor-müəllim heyəti ilə görüşərək birgə tədqiqatların davam etdirilməsi üzrə müzakirələr aparıblar. Qonaqlar Lənkərançay, Viləşçay, Ataçay, Qumbaşı çaylarında ixtioloji tədqiqatlar aparacaq. Ərazinin ixtiofaunasının növ tərkibi öyrəniləcək, populyasiya səviyyəsində genetik analizlər müqayisəli təhlil ediləcəkdir.