“İqlim dəyişmələrini yaradan səbəblər” mövzusunda seminar keçirilib
Biologiya fakültəsində Təbiətin Davamlı Harmoniyası klubunun təşkilatçılığı ilə “İqlim dəyişmələrini yaradan səbəblər” mövzusunda elmi seminar keçirilib.
Tədbiri giriş sözü ilə açan Klubun rəhbəri Əbülfəz Tağıyev iqlim dəyişikliyinin ümumi səbəblərindən, günümüzdə iqlim əyişikliyinin Azərbaycan biomüxtəlifliyinin nadir növlərinə təsiri üzrə aparılan tədqiqatların nəticələrindən bəhs etdi.
Zoologiya və fiziologiya kafedrasının müəllimi Sevinc Məmmədovanın mentorluğu ilə 174A qrupunun tələbələri Madina Abdurzayeva, Kifayət Əliyeva, Aygün Abbasova və Telli Cəfərova iqlim dəyişikliyinin səbəbləri, istixana effektləri, əbədi buzlaqlar, insan fəaliyyətinin nəticələri, Azərbaycanın yaşıl vədləri, Tərəflər Konfransının məqsədi kimi mövzularda çıxış etdilər.
Sonda müəllim və tələbələrin iştirakı ilə mövzu haqqında fikir mübadiləsi aparıldı.
