Bakı Dövlət Universiteti Biologiya fakültəsi

BDU-nun Biologiya fakültəsinin tələbələri ilə İsrailin Yerusəlim İbrani Universiteti arasında ikili diplom proqramı ilə əlaqədar infosessiya keçirilib. Tədbirdə bakalavriat səviyyəsinin Biologiya və Su aviakulturası ixtisasları üzrə təhsil alan dördüncü kurs tələbələri iştirak etdilər. Infosessiyada Bakı Dövlət Universietinin (BDU) rektorunun rəqəmsallaşma və informasiya texnologiyaları üzrə müşaviri Şəbnəm Səfərova və Beynəlxalq əlaqələr şöbəsinin müdiri Rauf Həsənov çıxış edərək tələbələrə ikili diplom proqramına müraciət üçün şərtlər, proqamın istiqamətləri haqqında geniş məlumat verdilər.

Qeyd edək ki, Bakı Dövlət Universiteti (BDU) və İsrailin Yerusəlim İbrani Universiteti (Hebrew University of Jerusalem (HUJI)) arasında ikili diplom proqramı və birgə tədqiqat üzrə əməkdaşlıq müqavilələri 22 aprel 2024-cü ildə imzalanmşdır. Bu əməkdaşlıq vasitəsilə tələbələrimiz İsrailin tanınmış professor-müəllim heyəti və mütəxəssisləri ilə birbaşa çalışacaq, onların akademik təcrübələrinin artırılması ilə yanaşı, mədəni mübadilə və beynəlxalq şəbəkələşmə üçün də yeni imkanlar yaradılacaq.