Bakı Dövlət Universiteti Biologiya fakültəsi

9 oktyabr 2024-cü il tarixində Amin Nurəliyev və Hüseyn Qədirovun Tələbə Elmi Cəmiyyətinin (TEC) təşkilatçılığı ilə “Hörümçəklər” adlı seminarı baş tutdu. Məruzədə hörümçəklərin mifologiyasından, qədim tarixindən, kultural əhəmiyyətindən, əsas taksonomik vahidlərindən, müxtəlif növlərindən və məruzəçilərimizin öz ekspedisiya təcrübələrindən söhbət açıldı. Daha sonra hörümçəklərin Qafqazda, əsasən də Azərbaycanda öyrənilmə tarixindən geniş bəhs olundu.

Həmçinin məruzəçilərimiz 100-dən çox müxtəlif növdən ibarət olan hörümçək kolleksiyalarını nümayiş etdirərək böyük marağa səbəb oldular. Seminarın sonunda dinləyicilər tərəfindən səsləndirilən suallar cavablandırıldı.