Heydər Əliyev və Azərbaycan ordusu
05 aprel 2023-cü il tarixində Biologiya fakültəsində THİK Biologiya, TGT Biologiya və Biologiya könüllülərinin təşkilatçılığı ilə Heydər Əliyevin anadan olmasının 100 illik yubileyinə həsr olunmuş silsilə tədbirlər sırasından "Heydər Əliyev və Azərbaycan ordusu" mövzusunda dəyirmi masa keçirilmişdir. Fakültə dekanı Afət Məmmədova tədbiri açaraq, müasir Azərbaycan dövlətinin qurtuluş və inkişaf dövrünün xalqımızın ümummilli lideri Heydər Əliyevin adı ilə bağlı olduğunu bildirmişdir. Ulu Öndər ölkəmizə rəhbərlik etdiyi bütün dövrlərdə Azərbaycanın hərtərəfli inkişafına, qüdrətlənməsinə öz töhfəsini verərək, onun gələcəyinin inkişaf strategiyasını müəyyən edib. Sonra Qarabağ qazisi, hər iki Qarabağ müharibəsinin iştirakçısı, sabiq batalyon komandiri, mayor Muxtar Həşimov keçdiyi döyüş yolundan məlumat verərək qeyd etdi ki, bu gün Azərbaycanın suverenliyini, müstəqilliyini, ərazi bütövlüyünü qorumağa tam qadir olan orduya malik olması Heydər Əliyevin Azərbaycan xalqı qarşısında göstərdiyi misilsiz xidmətlərdən biri sayıla bilər. Bundan sonra ehtiyatda olan polis polkovniki Adıgözəl Adıgözəlov, Qarabağ qazisi, ehtiyatda olan mayor Vahid Salmanov, Aprel döyüşçüsü, Vətən müharibəsi qazisi, ehtiyatda olan baş leytenant Tərlan Babaşov, Vətən müharibəsi əlili, ehtiyatda olan gizir Fərahim Əmirli, Qarabağ qazisi, Şuşa döyüşlərinin iştirakçısı Qorxmaz Həsənov çıxış etdilər, müəllim və tələbələrin suallarını cavablandırdılar.
Tədbirin sonunda tələbələrdən Kəmaləddin Hüseynov "Aprel səhəri” şeirini, Ayxan Altay “Cənab Leytenant” mahnisini ifa etdi.
-xs.jpg)
