Bakı Dövlət Universiteti Biologiya fakültəsi

Biologiya fakültəsində Biologiya könüllülərinin təşkilatçılığı ilə görkəmli oftalmoloq, akademik Zərifə Əliyevanın anadan olmasının 100 illiyinə həsr olunmuş “Gözlərə işiq verən nurlu şəxsiyyət” adlı tədbir keçirilmişdir. Tədbirdə fakültənin müəllimləri və tələbələri iştirak etmişlər. Biologiya fakültəsinin dekan müavini Kəmalə Əsədova tədbiri açaraq, Zərifə Əliyevanın keçdiyi şərəfli ömür yolunun hər bir Azərbaycan xanımı üçün nümunə ola biləcəyini vurğulamışdır. Sonra söz Botanika və bitki fiziologiyası kafedrasının dosenti Sevda Tahirliyə verildi. Sevda Tahirli çıxışında akademik Zərifə Əliyevanın nəsillərə örnək olacaq nümunəvi fəaliyyəti barədə söhbət açaraq, onun azadlıq, bərabərlik, dostluq, sülh tərəfdarı olan geniş qəlbli, böyük ürəkli, bəşəri duyğularla yaşayan, zəngin daxili aləmə malik bir şəxsiyyət olduğunu qeyd etmişdir. Sonda Zərifə xanım Əliyeva haqqında video- çarx izlənilmişdir.