“Gələcəyə doğru bir addım” təlim
Bakı Dövlət Universitetinin (BDU) Biologiya fakültəsində “Gələcəyə doğru bir addım” adlı təlim keçirilib. Tədbirin əsas məqsədi dördüncü kurs tələbələrinə Avropa ölkələrində magistratura təhsili və Azərbaycan Respublikasının dövlət təqaüdü haqqında geniş məlumat vermək olub. Tədbirə fakültənin professor-müəllim heyəti və tələbələr də qatılıb.
Təlimdə BDU Biologiya fakültəsinin məzunu Gülər Alışova təqdimatla çıxış edib. Alışova, Avropada təhsil imkanları, müraciət prosedurları, Azərbaycan Respublikasının dövlət təqaüd proqramının əhatə etdiyi məqamlar və xarici mühitə adaptasiya prosesi ilə bağlı öz təcrübəsini bölüşüb.
Təlim çərçivəsində tələbələr suallarını ünvanlayıb və qarşılıqlı fikir mübadiləsi aparılıb. Tədbir, tələbələrin gələcək təhsil planlarını daha məqsədyönlü şəkildə qurmasına və xaricdə təhsil üçün mövcud imkanlar haqqında daha dolğun məlumat əldə etmələrinə şərait yaradıb.
