Bakı Dövlət Universiteti Biologiya fakültəsi

16 iyun 2023-cü il tarixində Fransa-Azərbaycan Universitetinin əməkdaşları - Baş katib Elizaveta Bydanova,  Kimya və kimya mühəndisliyi tədqiqat şöbəsinin müdiri Christophe Serra Bakı Dövlət Universitetinin Biologiya fakültəsində olmuş, laboratoriyalarla tanışlıq etmişlər. Görüşdə Biologiya fakültəsinin dekanı Afət Məmmədova, Biotibbi materiallar kafedrasının müdiri Ülviyyə Həsənova, Sənaye kimyası Elmi-tədqiqat laboratoriyasının elmi işçisi Ələkbər Hüseynzadə iştirak etmişlər. Görüş zamanı universitetlər və fakültələrarası elmi əməkdaşlıq müzakirə edilmiş, beynəlxalq layihələr hazırlanması planlaşdırılmışdır.