Bakı Dövlət Universiteti Biologiya fakültəsi

Biologiya fakültəsi üzrə könüllülərin təşkilatçılığı ilə "Fizioqnomika - üz oxuma sənəti" mövzusunda diskussiya keçirilib. Tədbir Biologiya fakültəsi üzrə könüllülərin sədri Aydan Adıgözəlovanın açılış nitqi ilə başlayıb. Sonra Biologiya fakültəsinin II kurs tələbəsi və "BDU Könüllüləri"nin üzvü Aysu Məmmədzadə "Fizioqnomika - üz oxuma sənəti" haqqında çıxış edib. O, qeyd edib ki, insanın üz cizgilərinə, gözün, burnun ve dodaqların formasına əsasən insanın ruhu və sağlamlıq vəziyyəti barədə fikir söyləmək olar. Daha sonra əyani olaraq bir neçə tələbənin üzərində onların üz çizgilərinə görə ruhi və sağlamlıq vəziyyəti müəyyən edilib. Tədbirin sonunda Zoologiya və fiziologiya kafedrasının müəllimi, b.e.n. İlhamə Səfərova çıxış edərək, tələbələrin mövzu ilə əlaqəli çoxsaylı suallarını cavablandırıb.