“Fərdi keyfiyyətlərin formalaşması”adlı maarifləndirmə tədbiri
Biologiya fakültəsi Tələbə Həmkarlar İttifaqı Komitəsinin təşkilatçılığı ilə şəxsi inkişaf məzmunlu “Fərdi keyfiyyətlərin formalaşması” adlı tədbir keçirilmişdir. Tədbirdə fakültənin tələbələri iştirak etmişdir.
Tədbirdə dekan müavini Yusif Abiyev, Triangle Consulting şirkətinin təlimçiləri Ülviyyə Əfəndiyeva və Samirə Qasımova tələbələrin fərdi inkişafının müasir dövr üçün vacibliyini vurğuladılar.
Daha sonra S.Qasımova və Ü.Əfəndiyeva müasir dövrdə kollektiv şəraitdə əməkdaşların şəxsi keyfiyyətləri, şirkətlərin işə götürərkən və iş dövründə gözlədiyi kriteriyalar, fərdi xarakterin inkişafı haqqında geniş informasiya tipli təqdimatlar edərək, karyera hədəflərinin icra edilməsi zamanı gənclərin maariflənməsi üçün vacib olan məqamları diqqətə çatdırmışlar. Müasir əmək bazarında belə maarifləndirmə tədbirləri vacib xarakter daşıyır.
İnteraktiv məşğuliyyət proqramlarından sonra iştirakçılara sertifikatlar təqdim edilmişdir.
