Fakültənin tələbələri Beynəlxalq Olimpiadada uğur qazanıblar
Tacikistan Milli Universitetinin təşkilatçılığı ilə keçirilən Biologiya üzrə Beynəlxalq Olimpiadada Bakı Dövlət Universiteti (BDU) Biologiya fakültəsinin tələbələri böyük uğur qazanmışdır.
Olimpiadanın əsas məqsədi gənclərin peşəkar bacarıq və biliklərini inkişaf etdirmək, müasir təhsil texnologiyaları ilə işləmək təcrübəsi qazandırmaq, şagirdlərin qarşıya qoyulan problemləri tez həll etmə bacarığını artırmaq və onların yaradıcılıq potensialını üzə çıxarmaq olmuşdur. Tədbir dünyanın bir çox ölkəsindən iştirak edən gənc biologiya mütəxəssislərini bir araya gətirərək, bilik və təcrübə mübadiləsi üçün mükəmməl platforma yaratmışdır.
BDU Biologiya fakültəsinin tələbələri yüksək peşəkarlıq və bilik nümayiş etdirərək aşağıdakı nailiyyətləri əldə etmişdir:
- Şahnaz Vəliyeva – I yer
- Firuzə Məhərrəmova və Günay Fətəliyeva – II yer
Bakı Dövlət Universiteti, uğur qazanan tələbələri təbrik edir və onların gələcək fəaliyyətlərində daha böyük zirvələri fəth etmələrini arzu edir.
