Bakı Dövlət Universiteti Biologiya fakültəsi

3-11 iyul tarixlərində Birləşmiş Ərəb Əmirliklərinin Əl-Ayn şəhərində keçirilən 34-cü Beynəlxalq Biologiya Olimpiadasında Azərbaycanlı şagirdlər uğurla çıxış ediblər. 76 ölkə üzrə 293 şagirdin iştirak etdiyi yarışda 4 məktəbli ilə təmsil olunan komandamız 2 bürünc medal və 1 həvəsləndirici mükafat qazanıb.

Bakı Dövlət Universitetinin Biologiya fakültəsinin “Zoologiya və fiziologiya” kafedrasının əməkdaşı Elvin Hüseynov  iştirakçı komandanın hazırlanmasında əmək sərf edib,həmçinin  bu mötəbər yarışda təşkilatçı nümayəndə simasında iştirak edib.

Olimpiadanın bağlanış tədbirində həm qalib şagirdlər, həm də jüri üzvləri beynəlxalq sertifikatla təltif olunub.