Dosent Sevinc Hümbətovanın 60 yaşı tamam olur
Biologiya üzrə fəlsəfə doktoru, dosent Sevinc Eldar qızı Hümbətova 60 illik yubileyini qeyd edir.
O, 1981-1986-cı illərdə Bakı Dövlət Universitetinin Biologiya fakültəsində ali təhsil almışdır.
Peşəkar fəaliyyətinə AMEA-nın Zoologiya İnstitutunda başlayan dosent Hümbətova 1995 -ci ildən etibarən pedaqoji fəaliyyətini Bakı Dövlət Universitetində davam etdirir. 2003-cü ildə "Cənubi Xəzərin Qobustan sahilinin quşları (fauna və ekologiya)" mövzusunda namizədlik dissertasiyasını müdafiə edərək biologiya üzrə fəlsəfə doktoru elmi dərəcəsini almışdır. 2014-cü ildə dosent elmi adını qazanmışdır.
Dosent Sevinc Hümbətovanın elmi fəaliyyəti əsasən zoologiya, ekologiya və xüsusilə ornitologiya sahələrini əhatə edir. O, 80-dən çox elmi əsərin, o cümlədən 3 dərslik və 2 monoqrafiyanın müəllifidir. Onun tədqiqatları beynəlxalq elmi jurnallarda dərc olunmuş və müxtəlif konfranslarda təqdim edilmişdir.
Elmi-pedaqoji fəaliyyətindən əlavə, Sevinc xanım 2007-2020-ci illərdə DİM-in (TQDK) magistraturaya qəbul üzrə test tərtibi və tərcüməsi üzrə eksperti, 2015-ci ildən Respublika Fənn Olimpiadasında biologiya üzrə münsif və 2017-ci ildən "Sabahın alimləri" müsabiqəsində münsif kimi fəaliyyət göstərmişdir.
Hazırda Biologiya fakültəsinin Zoologiya və fiziologiya kafedrasında çalışır. BDU da çalışdığı illərdə müxtəlif layihələrə cəlb olunaraq, Belçikanın Gent Universitetində, Çexiyanın Karlov Universitetində, Polşada Varşava Universitetində müxtəlif mübadilə proqramlarında və təlimlərdə iştirak etmişdir. Biologiya sahəsindəki xidmətləri və elmi-pedaqoji nailiyyətlərinə görə biologiya üzrə fəlsəfə doktoru Sevinc Hümbətova elmi ictimaiyyət arasında böyük nüfuz qazanmışdır.
Onu 60 illik yubileyi münasibətilə təbrik edir, elmi və təhsil sahəsində yeni uğurlar arzulayırıq!