BÖYÜK ZƏFƏRİN BAŞLANĞICI - APREL DÖYÜŞLƏRİ
12.04.2022 ci il tarixində Bakı Dövlət Universitetinin Biologiya fakültəsi Tələbə Gənclər Təşkilatının təşəbbüsü ilə "Böyük Zəfərin başlanğıcı- Aprel döyüşləri" adlı tədbir keçirilmişdir.
Biologiya fakültəsinin dekanı Afət Məmmədova çıxış edərək Aprel döyüşlərində Azərbaycan Ordusunun göstərdiyi şücaət, qazandığı qələbə xalqımızda böyük ruh yüksəkliyi yaratmaqla yanaşı, ordumuzun böyük gücə malik olduğunu sübuta yetirdiyini, xalqımızın birliyini, həmrəyliyini və vətənpərvərliyini nümayiş etdirdiyini bildirdi. Gənclərimiz hər zaman vətənə layiqli övlad olmaqla, şəhidlərin ruhunun şad etməli, öz üzərlərində çalışmalıdırlar. Tədbirdə Aprel döyüşlərinin ən gənc şəhidi Emin Bağırovun valdeynləri, ehtiyatda olan kapitan Şəmsəddin Qurbanov, vətən müharibəsi iştirakçısı qazi - Fətulla Nəsirov çıxış edərək öz təssüratlarını, müharibədə yaşadıqlarını tədbir iştirakşıları ilə bölüşdülər. Tələbələrimizə tərbiyəvi mesajlar verdilər. Tələbə Raya Məsmalıyeva tərəfindən Aprel döyüşlərinə həsr edilmiş çarx nümayiş edildi.
Tədbirdə II Vətən müharibəsinin iştirakçısı qazı Vüsal Yaqubov çıxış edərək şəhid valideynlərinin və şəhid qardaşlarının yaşadıqlarını və tökülən qanlarının əbəs olmadığını, dövlətimizin öz ərazi bütövlüyünü nəyin bahasına olursa-olsun bərpa etməyə qadir olduğunu bildirdi. .
Son olaraq Biologiya fakültəsi Tələbə Gənclər Təşkilatının sədri Vüsal Məmmədrəhimov tədbirdən xatirə olaraq fakültə adından kitab dəstlərini təqdim etdi.
