Bakı Dövlət Universiteti Biologiya fakültəsi

Bakı Dövlət Universitetinin (BDU) Biologiya fakültəsinin tələbəsi Xədicə Zeynallı Almaniyanın Münhen şəhərində keçirilən "Bimba Open Europe" beynəlxalq kapoeyra turnirində qadınlar arasında "Amadora Feminino" kateqoriyasında birinci yerə layiq görülərək Avropa çempionu adını qazanıb.

Xədicə Zeynallının bu uğuru BDU-nun tələbələrinin beynəlxalq arenada əldə etdiyi növbəti nailiyyətdir. Qeyd edək ki, o, 2024-cü ilin iyun ayında Macarıstanın paytaxtı Budapeştdə keçirilən Kapoeyra üzrə Avropa çempionatında bürünc medal, oktyabr ayında Bakıda keçirilən Solo Kapoeyra üzrə Bakı Turnirində peşəkar qızlar kateqoriyasında gümüş medal qazanmışdı.

Xədicə Zeynallını bu böyük uğuru münasibətilə təbrik edir, ona gələcək yarışlarda da yeni zəfərlər arzulayır.