Bakı Dövlət Universiteti Biologiya fakültəsi

Bakı Dövlət Universitetinin (BDU) Biologiya fakültəsinin Biologiya müəllimliyi ixtisası üzrə 185A və 186A qrup tələbələri Zoologiya və fiziologiya kafedrasının dosenti Saleh Əliyevin rəhbərliyi ilə H. Zərdabi adına Təbiət Tarixi Muzeyinə ekskursiya təşkil edib.

Tələbələr ekskursiya zamanı Təbiət Tarixi Muzeyinin direktoru, biologiya üzrə fəlsəfə doktoru Tariyel Eybatov tərəfindən muzeyin tarixi, fəaliyyəti və Azərbaycan faunasını təmsil edən eksponatlar haqqında geniş məlumat əldə ediblər. Onlara Azərbaycanın zəngin təbiətinə dair eksponatlar, nadir heyvan və bitki növlərinin tarixi ilə tanış olmaq imkanı yaradılıb.

Tədbir, Biologiya fakültəsinin tədris proqramında tələbələrin ekoloji və təbiət tarixinə dair biliklərini artırmaq məqsədilə həyata keçirilən fəaliyyətlərdən biri kimi yüksək qiymətləndirilib.