Bakı Dövlət Universiteti Biologiya fakültəsi

Bakı Dövlət Universitetinin (BDU) Biologiya fakültəsi Tələbə Gənclər Təşkilatının və "BDU könüllüləri" təşkilatının birgə təşkilatçılığı ilə tələbələr üçün Azərbaycan Təbabət Muzeyinə ekskursiya təşkil olunub.

Ekskursiyanın əsas məqsədi tələbələrin tibbin tarixi, Azərbaycan xalq təbabətinin inkişafı və qədim müalicə üsulları haqqında biliklərini artırmaq olub. Tələbələr muzeydə sərgilənən nadir tibbi eksponatlarla tanış olub, tibbin müxtəlif dövrlərinə aid sənədlər və tarixi materiallar barədə ətraflı məlumat əldə ediblər.

Ekskursiya zamanı tələbələrə muzey əməkdaşları tərəfindən Azərbaycan təbabətinin keçdiyi inkişaf yolu, qədim və müasir müalicə metodları barədə maraqlı faktlar təqdim edilib. Tələbələr xüsusilə böyük Azərbaycan alimlərinin tibbi irsinə və onların dünya elmindəki roluna dair maraqlı məqamları öyrəniblər.

Tədbirin sonunda iştirakçılar ekskursiyanın onlar üçün çox faydalı və maarifləndirici olduğunu bildirərək, belə tədbirlərin gələcəkdə də davam etdirilməsinin vacibliyini vurğulayıblar.