Bakı Dövlət Universiteti Biologiya fakültəsi

Bakı Dövlət Universitetinin (BDU) Biologiya fakültəsi ICESCO-nun Biotibbi Materiallar Kafedrasının müəllimi, gənc tədqiqatçı Aygün İsrayılova ABŞ Dövlət Departamentinin Təhsil və Mədəniyyət Məsələləri Bürosu (ECA) və Amerika Xarici Araşdırma Mərkəzi Şurası (CAORC) tərəfindən təşkil edilən “Səfər Qrantı” müsabiqəsinin qalibi olub. Bu qrant çərçivəsində o, ABŞ-nin Corciya ştatının Atlanta şəhərində Amerika Mikrobiologiya Cəmiyyətinin (AMC) təşkil etdiyi beynəlxalq “ASM Microbe 2024” konfransında iştirak edib.