Bakı Dövlət Universiteti Biologiya fakültəsi

Biofizika və biokimya kafedrasının müəllimi b.ü.f.d. Nigar Hüseynovanın, prof. Afət Məmmədovaın, prof. Rövşən Xəlilovun və prof. Yusuf Baranın həmmüəllifləri  olduğu “Chemosensitizing effect of apigenin on T-ALL cell therapy” adlı məqaləsi “Frontiers” nəşriyyat evinə məxsus Q1 kateqoriyalı “Frontiers in Pharmacology” jurnalında çap olunub. Qeyd olunan elmi tədqiqat işi  2024-2025-ci illərdə “Türkiyə bursları” tədqiqat proqramı tərəfindən dəstəklənib.
Məqalədə yer alan tədqiqatlarda təbii flavonoid olan apigeninlə L-asparaginazanın kombinativ tətbiqinin T-mənşəli kəskin limfoblastik leykemiya (T-KLL) hüceyrələrinə qarşı daha güclü sitotoksiki təsir göstərdiyi müəyyən edilmişdir. Sinergik təsir nəticəsində hüceyrə proliferasiyası əhəmiyyətli dərəcədə azaldığı kimi, L-asparaginazanın monoterapiyası ilə ilə müqayisədə daha yüksək apoptik effekt müşahidə edilmişdir. Bu nəticələr göstərir ki, apigeninin kemosensitizəedici effekti sayəsində L-asparaginazanın daha aşağı dozalarında belə yüksək effektivlik əldə etmək mümkündür və bu yanaşma yan təsirləri minimal olan müalicə strategiyası kimi təqdim edilə bilər. T-KLL üçün yeni terapevtik yanaşmaların inkişafı baxımından bu kombinasiyanın perspektivli olduğu hesab edilir.

https://www.frontiersin.org/journals/pharmacology/articles/10.3389/fphar.2025.1631505/full