Bakı Dövlət Universiteti Biologiya fakültəsi

Biologiya fakültəsinin Zoologiya və fiziologiya kafedrasının tədqiqat planına uyğun olaraq Samur-Yalama Milli Parkında quş populyasiyalarının vəziyyəti ilə bağlı araşdırmalar aparılmışdır. 

Kafedranın müdiri, dosent Əbülfəz Tağıyev, professor Canbaxış Nəcəfov, dosent Avtandil Musayev və kafedranın magistri Arzu Xələfova kafedranın tədqiqat mövzusuna uyğun olaraq  Samur-Yalama Milli Parkında quru onurğalılarının məskunlaşma xarakteri və ekologiyası öyrənmək məqsədi ərzinin təbii-coğrafi şəraiti ilə tanış olmuş,baş verən dəyişikliklərin quru onurğalılarının məskunlaşmasınd əhəmiyyətini tədqiq etmişlər. Tədqiqatlar zamanı əsasən düzənlik ərazidə yerləşən meşə ekosistemində rast gəlinən quru onurğalılarının  yayılma arealı, davranış xüsusiyyətləri və populyasiyasinın say  dinamikasına təsir edən ekoloji amillər araşdırılmışdır. Toplanmış məlumatlar təbiətin mühafizəsi və quru onurğalılarının  yaşayış mühitinin qorunması üçün görüləcək tədbirlərin planlaşdırılmasında istifadə ediləcəkdir. 

Samur-Yalama Milli Parkı yerləşdiyi ərazinin unikallığı, zəngin  biomüxtəlifliyə malik olması çöl tədqiqatları üçün xüsusi əhəmiyyət kəsb edir. Fakültənin əməkdaşları bu cür çöl tədqiqatlarının elmi araşdırmaların inkişafında vacib rol oynadığını vurğulamışlar.