Bakı Dövlət Universiteti Biologiya fakültəsi

Bakı Dövlət Universiteti, Biologiya fakültəsinin Zoologiya və fiziologiya kafedrasının dosenti, biologiya elmləri namizədi Qarabəyli Oktay Zaman oğlu 79 yaşında dünyasını dəyişmişdir.

Oktay müəllim 1 aprel 1943-cü ildə Goranboy şəhərində anadan olmuşdur. O, 1960-1971-ci illərdə Qasım İsmayılov adına Faxralı kənd orta məktəbində təhsil almış, daha sonra təhsilini 1972-1977-ci illərdə S.M. Kirov adına Azərbaycan Dövlət Universitetində (indiki Bakı Dövlət Universiteti) Bioloq ixtisası üzrə davam etdirmişdir. 1965-1970- illərdə Virusologiya, mikrobiologiya və gigiyena ETİ-də laborant, 1970-1980-ci illərdə Bakı Dövlət Universiteti, Onurğasızlar zoologiyası kafedrasında baş laborant, 1980-1988-ci illərdə Bakı Dövlət Universiteti, Onurğasızlar zoologiyası kafedrasında müəllim, 1988-1995-ci illərdə Bakı Dövlət Universiteti, Onurğasızlar zoologiyası kafedrasında baş müəllim vəzifəsində çalışmışdır. 1978-ci ildə «Orta və Cənubi Xəzərdə qarınayaq ilbiz növlərinin yaılması» mövzusunda namizədlik dissertasiyasını müdafiə edib, 1979-cu ildə biologiya elmləri namizədi, 1995- ci ildə dosent elmi adı almışdır. Onurğasızlar zoologiyası, Hidrobiologiya, Onurğasız heyvanların müqayisəli anatomiyası fənlərini tədris edib.

Oktay müəllim çalışdığı kafedranın, fakültənin, eləcə də universitetin ictimai işlərində daim yaxından iştirak etmiş, hər zaman gənc kadrlara elmi və pedaqoji məsləhətlər vermişdir.

Onun xatirəsi daim fakültə və kafedra əməkdaşlarının yaddaşlarında yaşayacaqdır.

Allah rəhmət eləsin!