Bakı Dövlət Universiteti Biologiya fakültəsi

Biologiya fakültəsində 2024/2025-ci tədris ilinin qış imtahan sessiyası uğurla davam edir. Fakültədə ümumilikdə 245 imtahan keçirilib və tələbələrin imtahanlara yüksək hazırlıqla yanaşdıqları müşahidə olunub.

İmtahan sessiyası ərzində I, II, III və IV kurs tələbələri müxtəlif fənlər üzrə biliklərini nümayiş etdiriblər. Bütün imtahanlar üzrə ümumi iştirak sayı 4,225 (I kurs üzrə 306, II kurs 238, III kurs üzrə 237, IV kurs üzrə 247 tələbə) nəfər olub. Sessiya ərzində tələbələrin imtahanlara davamiyyəti yüksək olub, imtahanlara 97%-dən çox tələbə qatılıb.

Bütün fənlər nəzərə alınmaqla imtahan nəticələri aşağıdakı kimi qeydə alınıb:

• “A” qiyməti alan tələbələrin sayı: 815 nəfər
• “BCDE” qiymətləri alan tələbələrin sayı: 3,059 nəfər
• Kafi olmayan “F” qiyməti alan tələbələrin sayı: 116 nəfər
• İntizam pozuntusu (köçürmə) halları: 22 nəfər

İmtahan sessiyası ərzində yüksək akademik nəticələr göstərən tələbələr xüsusi diqqət çəkib. IV kurs tələbələri ən yüksək “A” göstəricisinə malik olublar, bu isə onların bakalavr təhsilinin son mərhələsindəki hazırlıqlarını uğurla başa vurduqlarını göstərir.

Sessiya çərçivəsində imtahanların ədalətli və şəffaf keçirilməsi məqsədilə müasir qiymətləndirmə üsulları tətbiq olunub. Eyni zamanda, tələbələrin biliyinin obyektiv dəyərləndirilməsi üçün fakültə rəhbərliyi tərəfindən ciddi nəzarət mexanizmləri təmin edilib.

BDU Biologiya fakültəsi, tələbələrin bilik və bacarıqlarının obyektiv qiymətləndirilməsinə xüsusi önəm verir və təhsil prosesinin yüksək keyfiyyət standartlarına uyğun aparılmasını təmin etməkdə davam edir.