Bakı Dövlət Universiteti Biologiya fakültəsi

Bakı Dövlət Universitetində (BDU) Biologiya fakültəsinin Tələbə Elmi Cəmiyyətinin (TEC) təşkilatçılığı ilə tələbələr arasında ilk dəfə olaraq bioloji anlayışları əhatə edən “TABU” intellektual oyunu keçirilib.

Bu oyunun əsas məqsədləri aşağıdakılardır:
✅ Tələbələri bioloji anlayışları standart düşüncə çərçivəsindən kənar təhlil etməyə və yeni aspektlərdən yanaşmağa təşviq etmək.
✅ Müxtəlif kurslardan olan tələbələr arasında şəbəkələşməni gücləndirmək və onların komanda bacarıqlarını inkişaf etdirmək.
✅ Sürətli düşünmə qabiliyyətini formalaşdırmaq.
✅ Elmi bilikləri əyləncəli və interaktiv üsullarla təqdim etmək.

Oyun qaydalarına əsasən, komandalar 90 saniyə ərzində təqdim olunan əsas sözü, dörd qadağan edilmiş sözdən istifadə etmədən izah etməli idilər. Oyun zamanı tələbələr yaradıcılıq və analitik düşünmə bacarıqlarını nümayiş etdiriblər. Yarışda müxtəlif kurslardan olan 4 nəfərlik 4 komanda iştirak edib və ən çox düzgün cavab tapan komanda qalib elan olunub.

🏆 Qalib komanda – Leyla Kərimli, Radə İsmayılova, Ayşə Həsənova və Kamran Mustafazadədən ibarət 3 nömrəli komanda – yüksək nəticə göstərərək qalib olmuşdur. Komandanın hər bir üzvü sertifikatla təltif edilib.

📢 Müsbət rəyləri nəzərə alaraq, “TABU” intellektual oyununun mütəmadi keçirilməsini planlaşdırdığımızı məmnuniyyətlə elan edirik!