BDU Könüllüləri "İlin Ənləri" tədbiri keçirib
Bakı Dövlət Universitetinin (BDU) Könüllüləri Biologiya, Fizika və Mexanika-Riyaziyyat fakültələrinin fəal iştirakı ilə möhtəşəm "İlin Ənləri" tədbiri baş tutub.
Tədbirin açılışını Mexanika-Riyaziyyat fakültəsinin sədri Nuray Cəfərova edib. Ardınca Fizika fakültəsinin sədri Aydan Rüstəmli və Biologiya fakültəsinin sədri Nadir Nadirli çıxış edərək tədbirin məqsədi və könüllülük hərəkatının əhəmiyyətindən danışıblar.
Proqram çərçivəsində əvvəlcə tanışlıq və interaktiv şəbəkələşmə oyunu keçirilib. Daha sonra isə əsas oyun iştirakçılar tərəfindən böyük maraqla qarşılanıb. Qaliblər – ilk üç yerin sahibləri – "İlin Ənləri" sertifikatları ilə mükafatlandırılıb.
Tədbir zamanı BDU Könüllülərinin bir illik fəaliyyətini əks etdirən xüsusi videoçarx nümayiş etdirilib ki, bu da iştirakçılarda xoş təəssüratlar yaradıb. Tədbir "Lin-Orph" musiqi klubunun yaddaqalan çıxışı ilə yekunlaşıb.
