Bakı Dövlət Universiteti Biologiya fakültəsi

BDU-nun  Biologiya  fakültəsinin dekanı Afət Məmmədova, kafedra müdiri Əbülfəz Tağıyev, dosent Nailə Abdullayeva və müəllim Nurlan Əmrahov Erasmus+ layihəsi çərçivəsində Çexiya Respublikasının Karlova Universitetində keçirilmiş ikitərəfli görüşlərdə iştirak etmişlər. BDU əməkdaşları Karlova Universitetinin Təbii Elmlər (Fən) fakültəsinin dekanı prof. Jiri  Zima, dekan müavini prof. Ivan Nemeç, Botanika kafedrasının müdiri prof.Jiri Neustupa, Eksperimental Bitki Biologiyası kafedrasının müdiri prof. Fatima Cvrçková, Ekologiya kafedrasının müdiri prof. David Horak, Zoologiya kafedrasının müdiri  Michal Vinklerlə görüşmüşlər. Görüşlərdə Karlova Universitetinin professorları Daniel Frynta, Vera Opatova, Miraslav  Svatora, Viktor Zarski,  Martin Çerný, Linda Nebvalova ,Jiri Ploçek, Petr Stepniçka,  David Havlíçek iştirak etmiş  botaniki, zooloji, biotexnoloji tədqiqatların həmrəy aparılması istiqamətində müzakirələr aparılmışdır.

BDU alimləri Praqanın Kimya və Texnologiya Universitetinə səfər edərək  Su Texnologiyaları və Ətraf Mühit Mühəndisliyi kafedrasının sabiq müdiri, hal hazırda qrup-tədqiqiat qrupunun rəhbəri  prof. Katerina Demnerová və prof. Olga Valentova ilə görüşmüşlər. Görüş əsnasında ikitərəfli layihələr və tədqiqatlar, həmrək tədqiqatlar və eyni zamanda  tələbələr üçün mobillik qrantları müzakirə edilmişdir.

 BDU  əməkdaşları  Praqa Zooparkında və Botanika bağında olaraq müxtəlif nadir bitki  və heyvan növləri, onların saxlanılma , becərilmə şəraitləri ilə tanış olmuşlar.