THE LANCET JURNALINDA MƏQALƏ DƏRC OLUNUB
Bakı Dövlət Universitetinin, Biofizika və biokimya kafedrasının müdiri, professor Rövşən İbrahimxəlil oğlu Xəlilovun həmmüəllif olduğu “Global, regional, and national burden of colorectal cancer and its risk factors, 1990–2019: a systematic analysis for the Global Burden of Disease Study 2019” (“Kolorektal xərçəngin qlobal, regional və milli yayılma tendensiyası və onun risk faktorları, 1990-2019: Qlobal Xəstəlik Araşdırması: 2019 üçün sistematik təhlil”) adlı məqalə Web of Science elmmetrik bazasına daxil olan (IF: 18.486) “The Lancet Gastroenterology & Hepatology” jurnalında çap olunub.
Məqalədə, son üç onillikdə 204 ölkə və ərazidə kolorektal xərçəngin qlobal, regional və milli yükünün və onun risk faktorlarının müvəqqəti nümunələrinin araşdırılmasından bəhs edilir. Kolorektal xərçəng bütün dünyada xərçəngdən ölüm hallarına görə üçüncü yerdə dayanır. Qlobal miqyasda kolorektal xərçəngə yoluxma hallarında son zamanlarda artan tendensiyaları nəzərə alaraq, kolorektal xərçəngin araşdırılması ilə bağlı müasir məlumatlar- skrininq, erkən aşkarlama və müalicə strategiyalarına rəhbərlik edə və resursların effektiv şəkildə bölüşdürülməsinə kömək edə bilər.
https://www.sciencedirect.com/science/article/pii/S2468125322000449