Bakı Dövlət Universiteti Biologiya fakültəsi

Biologiya fakültəsinin bakalavr səviyyəsi  IV kurs tələbələrinin buraxılış  işlərinin müdafiəsi uğurla həyata keçirildi. Biotexnologiya ixtisası üzrə 25 nəfər, biologiya ixtisası üzrə 150 nəfər Yekun Dövlət Attestasiyası komissiyası qarşısında hazırladıqları mövzu üzrə təqdimat edərək, buraxılış işlərini müdafiə etdilər. Biologiyanın müxtəlif istiqamətləri üzrə kafedralar tərəfindən   hazırlanmış mövzular,  xüsusi  onlayn proqramla  tələbələrə seçmək üçün təqdim edilmiş və tədris ili müddətində  mövzular üzrə müəllimlərin   rəhbərliyi altında tələbələr tərəfindən araşdırmalar aparılmışdır. Plagiat Komissiyasının hesabat arayışı  hər bir  buraxılış işi üçün fakültəyə  təqdim edildikdən sonra müvafiq kafedralarda ilkin müdafiə keçirilmiş və tələbələr  yekun qiymətləndirilmə  üçün Yekun Dövlət Attestasiyasına açıq müdafiəyə buraxılmışdır. Tələbələrin təqdimatları Yekun Dövlət Attestasiyası komissiya üzvləri tərəfindən müzakirə edilmiş və  qiymətləndirilmişdir.