Bakı Dövlət Universiteti Biologiya fakültəsi

“BDU Könüllüləri“ Biologiya Fakültəsi nəzdində fəaliyyət göstərən “Avisenna” klubu üzvləri Səhiyyə Nazirliyinin “Azərbaycan Təbabəti Muzeyi"nə ekskursiya etmişlər.  Ekskursiya klubun adını daşıdığı məşhur Təbib İbn-i Sinaya həsr edilmişdir. Ekskursiya zamanı tələbələr ilk olaraq 1134-cü ilə aid “Həkim elminin qanunu” əlyazması ilə tanış olmuşlar. Onlara ölkəmizdə Təbabət elminin bugünkü Səhiyyəyə qədər olan inkişaf tarixi barədə ətraflı məlumat verilmiş, bu barədə muzeydə mövcud olan sənəd və fotoşəkillər nümayiş etdirilmişdir. Ekskursiyanın davamında tələbələr görkəmli şəxsiyyətlərin Azərbaycan Səhiyyəsinin inkişafındaki önəmli töhfələrini əks etdirən stendə baxış keçirmişlər.