Bakı Dövlət Universiteti Biologiya fakültəsi

Bakı Dövlət Universitetiinin Biologiya fakültəsində   Çexiyanın Karlova Universitetinin Zoologiya kafedrasının Ekologiya və etologiya bölümünün professoru Daniel Frinta tərəfindən “Aqressiya və onun  təkamülü” mövzusunda elmi seminar təqdim edildi. Seminarda Bakı Dövlət Universitetinin Beynəlxalq əlaqələr üzrə prorektoru Şahin Pənahov, fakültə dekanı Afət Məmmədova, biologiya fakültəsinin əməkdaşları, gənc tədqiqatçıları, magistrantları, tələbələri iştirak ediblər.

Daniel Frint “Müxtəlif areallarda yayılan  siçanların aqressiyasının  təkamülünü” öyrənmişdir. Siçanların  aqressiyasının ilk öncə təkamüldə formalaşması haqqında geniş məlumat verdi. Məruzəçi öz qrupu ilə birgə  Avropanın müxtəlif əraziləri, Livan, İran və s. kimi ölkələrin  həmçinin səhralıq ərazilərdə yayılmış siçanların aqressiyasının ontogenezin müxtəlif dövlərində  onu əmələ gətirən   amilləri araşdırmışdır.

Professor çıxışında qeyd etdi ki,  heyvanların aqressiyasına  təsir göstərən əsas faktor heyvanın fiziologiyasında baş verən dəyişikliklər, androgenlərin və serotoninin miqdarının  fəsildən asılı olaraq dəyişməsidir .

Daniel Frint  apardığı tədqiqatların nəticəsi kimi təkamüldə aqressiyanın  meydana çıxmasına səbəb olan amillər haqqında məlumatları seminar iştirakçılarına çatdırdı.

Sonda məruzəçi seminar iştirakçılarının suallarını cavablandırdı, BDU-nun professor müəllim heyəti və tələbələri qarşısında çıxış etməkdən məmnun olduğunu bildirdi.