Bakı Dövlət Universiteti Biologiya fakültəsi

Bakı Dövlət Universitetində dünyada tanınmış alim ABŞ  Puerto-Riko Dövlət Universiteti Tibb fakültəsinin  Professoru,  Amerika Kardioloqlar Cəmiyyətinin fəxri üzvü  Səbzəli Cavadov  Biologiya fakültəsinin əməkdaşları, magistrant, tələbə və doktoranlarına “Ürəkdə ferroptotik hüceyrə ölümünün mexanizmləri: mitoxondrinin rolu” mövzusunda elmi seminar təqdim etdi.   

Professor Cavadov təqdimatında insan xəstəliklərində hüceyrə ölümünün əsas mexanizmlərini, xüsusən də miokard infarktı və urəyin işemiya-reperfuziyon zədələnmələri haqqında geniş məlumat verdi. Məruzəçi öz çıxışında dəmir növündən asılı olaraq  yeni  müəyyən  edilmiş hüceyrə ölümünə səbəb olan ferroptozun molekulyar və hüceyrə mexanizmlərindən bəhs etdi. Eyni zamanda ferroptozda hüceyrədə enerji istehsalında mərkəzi rol oynayan mitoxondrinin   rolu və prosesin mexanizmlərindən  məlumat verdi.

Professor Cavadov təqdimatının sonunda öz işçi qrupunun, ABŞ-nin Pittsburq Universiteti, Miçiqan Dövlət Universiteti və Pensilvaniya Dövlət Universitetinin alimləri ilə birgə apardığı tədqiqatların nəticələrini auditoriyaya təqdim etdi. Sonda müzakirələr aparıldı və  seminar iştirakçılarının sualları cavablandırıldı.

 .