“27 Sentyabr - Anım Günü” adlı tədbir keçirilib
25.09.2023-cü il tarixində Bakı Dövlət Universiteti Biologiya fakültəsi Tələbə Gənclər Təşkilatı (BDU TGT) və Tələbə Həmkarlar İttifaqı Komitəsinin (BDU THİK) təşkilatçılığı ilə “27 Sentyabr - Anım Günü” adlı tədbir keçirilmişdir. Tədbir Azərbaycan Respublikasının Dövlət Himni ilə açıq elan edildikdən sonra şəhidlərin ruhu bir dəqiqəlik sükutla yad edildi. İlk olaraq fakültənin dekanı Afət xanım Məmmədova çıxış edərək qeyd edib ki, 27 sentyabr doğma torpaqlarımızı işğaldan azad edərək Qarabağda erməni hökmranlığını başa çatdıracaq hərbi-siyasi gücümüzün ortaya qətiyyətlə qoyulduğu, milli ruhumuzun, milli həmrəyliyimizin öz sözünü kəskinliklə dediyi şərəfli bir tarixdir. Daha sonra tələbələr anım gününə aid şeirlər səsləndirmiş, tədbirdə iştirak edən professor- müəllim heyəti Anım günü ilə əlaqədar öz fikirlərini söyləmişlər. Sonda isə tədbir qələbəmizə aid hazırlanmış videoçarx ilə yekunlaşdı.
-xs.jpg)
-xs.jpg)
-xs.jpg)
-xs.jpg)
-xs.jpg)
