Art-MOTİV layihəsi həyata keçiriləcək
Art-MOTİV layihəsi həyata keçiriləcək
Bakı Dövlət Universitetinin Biologiya fakültəsində 13 may 2022-ci il tarixində saat 13:30-da 4-cü mərtəbə Elmi Kitabxanada “Niyə “Art-MOTİV” bu gün çox vacibdir” mövzusunda dəyirmi masa təşkil olunacaq.
Yaşadığımız dövr, çox şeyin bizdən asılı olmadan baş verdiyini bizə diktə edir. Pandemiyanın həyatımıza gətirdiyi qadağalar, adət etmədiyimiz fəaliyyət şərtlərinin stressi, itkilər, ağrılar, acılar bəzən həyatın dadını almağımıza mane olur. İntiharların, zorakılıqların, təhdidlərin, depressiyaların həyatın adi davranışlarına çevrilməsi təhlükəsi var. Unutmayaq ki, biz yalnız etdikərimizin deyil, həm də etmədiklərimizin məsuliyyətini daşıyırıq. Və onu da unutmayaq ki, həyatın düzəni çox sadə şeylərdə gizlənir. Bütün bunlar haqqında daha geniş məlumat əldə etmək istəyənlər üçün Botanika və bitki fiziologiyası kafedrasının dosenti Sevda Tahirli Art-MOTİV layihəsini təqdim edir.
Arzu edənlər iştirak edə bilər.